1º ESO, O GRAN RETO:

@alumn@ de 1º E.S.O. contra 

POSSUMBLUE

Segundda entrada do blogue en 1º de ESO no curso. Nela presentámosche un reto: vencer á nosa máquina POSSUMBLUE, esta vez sobre mapas. O reto con máquina será o vindeiro martes 4 de NOVEMBRO. Para entrenar pincha nos seguintes enlaces que aparecen debaixo.

Para xogar na aula, podes elixir unha das dúas opcións. Gañar nesa opción que decidas ti supón nota positiva no blogue. E, se resolves as dúas opcións, coas condicións que se ofrecen, obterás doble positivo e un agasallo.

Opc. 1: CONTINENTES.-

MAPA FÍSICO DE AMÉRICA DO NORTE

MAPA FÍSICO DE SUDÁMERICA

MAPA FÍSICO DE ÁFRICA

MAPA FÍSICO DE ASIA

Mapa físico de EUROPA

Opc. 2: ESPAÑA.-

Relevo de España (130 puntos: só se acepta o 100%)

Ríos de España (máximo de erros: 2)

Costas de España (max. de erros: 2)

Para acadar a nota positiva de blogue debes acadar o mínimo do 80% de acertos. Só unha única quenda por alumn@ particante. Ti decides...

 

ENTRENA!!

BATALLA DO RÍO GUADALETE 

Segunda entrada do blogue neste curso. Nela traballamos o último tema abordado na aula: Al-Andalus. Para isto parámonos no capítulo de batalla do Ría Guadalete, na que os visigodos foron derrotados polos árabes, cando estos acaban de entrar na Península. Para iso presentamos esta vez un podcast, isto é un audio de radio narrado polo locutor Juan Antonio Cebrián, na súa serie “Pasajes de la Historia”, dentro do programa radiofónico nocturno “La Rosa de los Vientos”. Para escoitalo pincha no enlace que figura abaixo. Podes baixalo e levalo ao teu teléfono ou reprodutor, para escoitalo con comodidade no sofá ou mesmo na cama, á vez que solucionas as actividades propostas.

 A BATALLA DO RÍO GUADALETE

Como sempre, fainas na libreta. Enmarca o título FORA DE CLASE: A BATALLA DO RÍO GUADALETE, e colorea o recadro. Logo copia os enunciados e resposta sempre con parte deles. A data de correción será o xoves martes 28 de outubro.

 **************************

ACTIVIDADE Nº 1: Proba que estiveches atento.- Para iso contesta brevemente as seguintes cuestións:

1.  O audio infórmanos que no ano 710 o reino visigodo estaba a vivir unha guerra civil. A pregunta é: a que dúas faccións se enfrontaban esa guerra e por que razón? 

2.   No ano 711 empezou o paso do estreito de Xibraltar por parte das tropas musulmanas. Ao seu mando estaba un lugartenente de Muza, de nome Tariq. Esas tropas foron pasando e xuntáronse nunha zona que é lembrada hoxe por un nome que está relacionado con aquel. Cal é esa localidade gaditana que mantén ese nome? (abaixo, na foto Don Rodrigo)

3. Onde estaba Don Rodrigo cando recibe a nova de que os árabes estaba entrando por polo sur?

4.  En que provincia se librou a batalla do río Guadalete? Cantos soldados se calcula que integraban o exército musulmán nesa batalla? E cantos soldados no exército visigodo? 

5. Entre que datas transcurriu a batalla? Os visigodos empezaron mantendo a iniciativa na batalla pero logo virou: que factor resultou decisivo para que os visigodos perderan a batalla? 

6.   Cantas xente se calcula que morreu na batalla por parte árabe? E por parte visigoda?

7.   Despois da batalla nada se soubo de Don Rodrigo: que dúas teorías se baralla que pasou con el?

 

Cine en familia... (3º ESO)

1492, A CONQUISTA DO PARAÍSO

Cartel da película

Partindo da teoría nunca probada de que a Terra era redonda, en 1492 unha expedición capitaneada por Cristóbal Colón ao servicio da Coroa de Castela, atravesa por primeira vez o Océano Atlántico co obxecto de acadar as Indias navegando cara ao Oeste. O resultado foi o descubrimento de América. Vimos de traballar este tema en clase. Por esta razón propoñemoche visionar unha película sobre este fito: "1492, A Conquista do Paraíso", dirixida por Ridley Scott ("Gladiator", "Alien, o octavo pasaxeiro"), protagonizada por Gérard Depardieu ("Cyrano de Bergerac", "O home da máscara de ferro"), e música de Vangelis ("Carros de lume"). A película foi estreada en 1992 con motivo de do V centenario do descubrimento de América. Para vela pincha ano seguinte enlace:

1492, LA CONQUISTA DEL PARAÍSO

Logo da vela realiza as seguintes actividades. [Fainas la libreta, deixando un espacio cos últimos apuntamentos e rotulando o título BLOGUE “FÓRA DE CLASE”: 1492, A CONQUISTA DO PARAÍSO. Enmarca o devandito título e colorea logo ese espazo enmarcado. Lembra: copia os enunciados e resposta sempre con parte deles]. A data de presentación e corrección destas actividades será o martes 4 de novembro.

ACTIVIDADE Nº 1.- Contesta brevemente ás seguintes cuestións relacionadas coa película:

1. En que cidade universitaria e en que ano recibe a Colón unha comisión de expertos para analizar o seu proxecto? Segundo os cálculos de Colón amosados nese encontro: canto tempo debía durar a viaxe? 

Un fotograma da película

2. Que recompensa ofrece Colón para o primeiro que atope terra? 

3. Con que nome bautiza Colón aquela primeira terra descuberta?  Que é o primeiro que fan os indios cando atopan aos españois no medio da selva? 

4. Canto tempo permeñece Colón en América naquela primeira viaxe? Por que razón regresa contrariado? 

5. Que se atopa nada máis chegar a América na segunda viaxe? Que diferentes posturas sobre como actuar ante isto se prantexan entre Colón e o noble Mújica? 

6. Que argumentos lle dan á raíña para destituir a Colón do seu cargo de gobernador das Indias? Para sustituilo: a que designa a raíña? 

ACTIVIDADE Nº 2.- Analíse das personaxes.-

1. Describe a relación que a película deixa entrever entre Colón de raíña Isabel "A Católica"

2. Na película, Colón e Mújica mostran dous xeitos de actuar en relación aos indios. Busca información sobre o trato que se lle deu aos indios trala conquista. Ese trato dado aos indios na realidad: está máis relacionado coas que defenída Colón ou de Mújica na película?

 A REVOLUCIÓN INDUSTRIAL

 Segunda entrada do curso 2025-26 en 4º de ESO. Nesta ocasión, está relacionada con tema nº 3 que estamos a traballar na aula: A REVOLUCIÓN INDUSTRIAL. Para iso propoñémosche visionar este vídeo de 9 minutos, que é unha selección de varias escenas da película "Daens" ambientada en Bélxica nos tempos da Revolución Industrial.

Logo de velo, realiza as seguintes actividades. [Fainas la libreta, deixando un espacio cos últimos apuntamentos e rotulando o título BLOGUE “FÓRA DE CLASE”: A REVOLUCIÓN INDUSTRIAL. Enmarca o devandito título e colorea logo ese espazo enmarcado. Lembra: copia os enunciados e resposta sempre con parte deles]. A data de presentación e corrección destas actividades será o xoves 30 de outubro. NOTA: Ademáis das actividades, reservamos e dereito de realizar un proba previa para testar a veracidade de si viches o vídeo proposto. En caso de fraude invalidarase o exercicio do blogue, sendo penalizado coa expulsión do blogue durante dúas entradas.

*************************

ACTIVIDADE Nº 1.- DEMOSTRA QUE ESTIVECHES ATENTO.- Resposta brevemente ás seguintes cuestións relacionadas co vídeo: 

1. Que dúas novas clases sociais protagonizan o vídeo? Con que aspecto de Revolución Industrial estaría relacionado o vìdeo: coas causas ou coas consecuencias?

2. A que sector industrial estaba adicada a fábrica que protagoniza o vídeo? 

3. Cando Adolf Daens ía pola rúa, recoñece que lle ofreceron un xornal : de que ideoloxía era ese xornal? 

3. Que traballo facían os nenos nesa fábrica o por que os escollían a eles para facer ese traballo? 

4. Enumera aspectos que se aprecian no vídeo e que supoñen explotación do proletariado.

5. Na xuntanza entre burgueses: que dúas solucións se propoñen para aforrar costes nas fábricas? 

 

ACTIVIDADE Nº 2.- En cifras:

1. Que sanción lle impón o capataz ao neno por tentar axudar a unha nena no seu traballo? 

2. Canto estaban pagando como salario? Un burgués propoñía rebaixar o salario dos obreiros por día: a canto? 

3. En comparativa: canto costaba daquela un kg. de pan?  E un saco de carbón? 

 

DE CINE: "OPPENHEIMER"

Está a túa disposición en RTVE play ata este domingo a película "Oppenheim", asunto que xa comentamos en clase. Adunxto enlace para poder entrar e, desde aí, poder ver a película: https://www.rtve.es/play/cine/ (NOTA: Pasada unha semana de prazo, este enlace xa non está dispoñible en TVE á carta).

Este será o primeiro blogue do curso. Na vindeira semana faremos unha proba na aula para aqueles que vexades a película, e desexedes así sumar para esta avaliación. Esa proba terá co obxectivo comprobar que viches a película, da cal poder sacar una aproveitamento para a materia de Historia.

A HISPANIA VISIGODA

Primeira entrada do curso 2025-26 en 2º de ESO. Nesta ocasión, erelacionado co abordado en clase, servimos este pequeno vídeo sobre o reino visigodo, e que ten unha duración inferior a 7 minutos. Para velo pincha abaixo no icono de play.

Logo da velo realiza as seguintes actividades. [Fainas la libreta, deixando un espacio cos últimos apuntamentos e rotulando o título BLOGUE “FÓRA DE CLASE”: A HISPANIA VISIGODA. Enmarca o devandito título e colorea logo ese espazo enmarcado. Lembra: copia os enunciados e resposta sempre con parte deles]. A data de presentación e corrección destas actividades será o martes 30 de setembro.

 

ACTIVIDADE Nº 1: DEMOSTRA QUE ESTIVECHES ATENTO.- Resposta brevemente ás seguintes cuestións relacionadas co vídeo: 

1. Que tres pobos xermánicos, se mencionan o vídeo, cruzaron os Pirineos e se instalaron en Hispania antes da chegada do godos? 

2. Os francos expandíronse e expulsaron aos visigodos de Galia. A que rei visigodo deron morte os francos naquela guerra? 

3. Asentados xa en Hispania, o vídeo menciona o nome do rei Leovixildo. Preto de Guadalaxara, Leovixildo mandou construir unha cidade na honra do seu fillo: que nome recibía esa cidade? 

4. Que rei visigodo estableu o Cristianismo como relixión do seu reino?

5. Que gran sabio visigodo se menciona no vídeo, e que famosa obra (que era resumo do saber universal) escribiu este sabio en 20 volumes? 

 

O rei Leovixildo

ACTIVIDADE Nº 1: DEMOSTRA QUE ESTIVECHES ATENTO.- Sinala se son verdadeiras ou falsas as seguintes afirmacións relacionadas co vídeo:

a) O último rei visigodo foi Don Rodrigo.

b) Os vándalos, cando estiveron en Hispania, estiveron asentados na Bética.

c) Os godos entraron en Hispania como aliados de Roma para recuperar os territorios ocupados aquí polos saxóns.

d) Cando se dividiu o Imperio Romano, o Imperio Romano Oriente estableceu a súa capital na cidade de Constantinopla.

 

 HAI VIDA NOUTROS PLANETAS?

Primeira entrada do blogue neste 2025-26 en 1º de ESO. Relacionado co tema que acabamos de abordar na aula, prantexámosche o visionado dun vídeo da canle NATIONAL GEOGRAPHIC,  onde o físico e cosmólogo Stephen W. Hawking fala sobre a posibilidade da existencia de vida noutros planetas. Para velo pincha abaixo no icono de "play".

Logo de visionalo, rotula na libreta o título FÓRA DE CLASE: HAI VIDA NOUTROS PLANETAS?. Enmarca o título nun recadro e colorea ese recadro. Logo resolve as actividades que a continuación se prantexan. Para iso vaite copiando os enunciados, e respostando empregando na redación parte do enunciado. Para ser contabilizado o traballo, presenta estas actividades feitas o vindeiro xoves 2 de outubro, para ser correxidos ese día na aula.

 

ACTIVIDADE Nº 1.- Contesta brevemente ás seguintes cuestións sobre o vídeo:

1. Que dúas condicións deben cumprir os planetas candidatos a ter vida?

2. Para ter auga líquida, os planetas candidatos a albergar vida non poden estar nen moi preto nen moi lonxe das estrelas. Por que sería imposible albergar auga se estiveran moi preto ou moi lonxe das estrelas?

3. Que nome recibe a nosa galaxia? E cantos anos se apunta no vídeo que ten?

4. Segundo o exposto no vídeo: cantos planetas poden existir candidatos a albergar vida?

 

ACTIVIDADE Nº 2.- Investiga sobre a figura de Stephen W. Hawking, e contesta ás seguintes cuestións:

1. Indica a nacionalidade, o ano de morte e a que idade finou Stephen W. Hawking.

2. Que enfermidade padecía? En que consiste esa enfermidade?

3. Hawking colleitou innumerables premios pola súa labor. No ano 1989, recolleu un dos galardóns máis importantes da súa vida en España: de que premio estamos a falar?