"A BOLSA OU A VIDA!!" (4º)

Propoñemos nesta entrada un TRABALLO PRÁCTICO para entender como funciona a bolsa e comprender mellor o seu impacto na crise de 1929. Seguindo as pautas explicadas en clase, trátase de facer un investimento, o seguimento das accións e realizar un balance final de resultados.

Imaxe do interior de Bolsa de Madrid en plena actividade

      NORMATIVA

1.    Dispós de 15.000 euros para invertir

2.    Cada inversor debe presentar a cadrícula con todos os datos de compra, debidamente cumprimentados tal e como explicamos en aula.

3.    Débense mercar un mínimo de 3 valores e un máximo de 5

5. Xoga coas cores: verde se gañas en acción con respecto ao día anterior; vermello, se perdes.

6. Pódense vender e mercar valores novos. Admítese un máximo de 3 cambios, os cales debes efectuar no momento no tabuleiro.

7. 2x1: O alumn@ que obteña un balance máis positivo terá un doble positivo no blogue e un agasallo.

A continuación, tal e como explicamos en clase, figura a plantiña orientativa que tes que desenvolver. Lembra: empezamos cumplimentando a plantiña cos datos do 29 xaneiro pola tarde na casa. Logo imos actualizando na plantiña ao día (11,20 horas). Remataremos o traballo o día 11 de febreiro. Logo completa os balances e escribe a valoración final (por que elexiches esos valores, cal foi o teu balance económico, de que tomaches conciencia co traballo, etc.), para entregar logo o traballo ao día seguinte, o 12 de febreiro.

Aproveitamos tamén para deixarche aquí un pequeno vídeo de 8 minutos de duración para analizar a crise actual en clave de humor británico. Non o perdas. Pincha no icono de play abaixo